Konferanse saemien immaterijelle kultuvreaerpien bïjre gåalkoen 3.- 4.b.

Konferanse saemien immaterijelle kultuvreaerpien bïjre gåalkoen 3.- 4.b.

Konferansen ulmie lea goerkesem jïh voerkesvoetem saemien immaterijelle kultuvreaerpien bïjre lissiehtidh mij nænnoes evtiedimmiem våaroeminie åtna.

Faageles håalomi jïh digkiedimmiej tjïrrh konferanse sæjhta vijries digkiedimmiem vedtedh vaarjelimmien jïh sertemen bïjre daajrojste, aerpievuekijste jïh praksisijstie Saepmesne.

Sivijle seabradahke lea ojhte dïhte vihkielommes sijjie gusnie daajroeh jïh praksish guhkiebasse serteste, jïh mijjieh edtjebe vihkeles aktöörh jïh institusjovnh bööredidh digkiedidh mah mekanismh mah sertiestimmiem aalkoeåålmegedaajroste jïh daajroejuekiemistie heerredieh jïh eevtjieh. Ulmie lea hijven strategijh evtiedidh mah edtjieh hoksedh vihkeles daajroe mubpien boelvese jåarhka.

Konferansine sïjhtebe tjoevkesem bïejedh ovmessie vaarjelimmievuekide jïh guktie edtja daajroem jïh praksish sertiestidh, jïh heaptoeh vaarjelimmiebarkosne analyseeredh, juktie lissiehtamme daajroevåaromem vedtedh dan guhkiebasse barkose saemien tjeahpoem jïh kultuvrem lutnjedh. Aaj akte ulmie lissiehtamme daajroetseegkemasse sjïehteladtedh barkoen bïjre 2003-konvensjovnine ovmessie aktööri luvnie Saepmesne.

Konferanse lea laavenjostoe Nöörjen Saemiedigkien jïh Nöörjen Kultuvreraerien gaskem, guejmiejgujmie Sveerjeste jïh Soemeste. Lea vihkelesvoetem raastendåaresth barkoste Saepmesne tjïertestamme goh vihkeles premisse juktie praksish, aerpievuekieh, gïelh jïh daajroem Saepmesne jåerhkedh – naakede maam tjïertestamme gelline ektiedimmine dej minngemes jaepiej.

Jis sijhth konferansen meatan årrodh, maahtah dan sæjroesne dam darjodh.

Vielie bievnesh konferansen bïjre Kultuvreraerien neehtesæjroesne.