Statistihke Sommerles-kampaanjeste jaepien 2025 vuesehte meatan årrojh stoerre ïedtjem saemiengïelide utnieh. Dah leah 423 kapihtelh lohkeme noerhtesaemien, 250 kapihtelh lohkeme åarjelsaemien jïh 616 kapihtelh lohkeme julevsaemien. 

– Manne aavone mijjieh maehtebe viehkiehtidh saemien learohkh leah meatan dennie kampaanjesne jïh dah maehtieh litteratuvrem lohkedh jïjtsh gïelesne jïh manne gaajhkesidie haastam Sommerles-kampaanjesne meatan årrodh daan giesien, saemiedigkieraerie Paul Bendikk Jåma (NSR) jeahta.

Lohkemekampaanjen ulmie lea lohkedh dan jeenjh dah maehtieh kampaanjeboelhkesne jïh låhkoeh tjöönghkedh. Dah gïeh leah meatan maehtieh digitaale troféh vitnedh jïh smaave baalhkah mejtie maehtieh gærjagåeteste veedtjedh. 

Jaepien 2022 raejeste dïhte sjïere soptsese golme saemien gïelide jarkoestamme, dåarjojne saemiedigkeste. 

Daan jaepien soptsese, maam Mari Moen Holsve lea tjaaleme, man nomme «Farlige skurkestreker», «Vaarege skïedtjesïevh» (åarjelsaemien), «Várálaš skealmasázut» (noerhtesaemien), «Bahágurigis sátso» (julevsaemien).

Lohkemekampaanje lea mïetsken 31. biejjien raajan. Sommerles.no nedtesæjrosne maanah maehtieh dej gærjide mah lohkeme giesesne registreeredh, jïh aaj lohkemeraerieh sijjen lïhkemes gærjagåeteste åadtjodh. 

Sïjhth vielie daejredh Sommerles-kampaanjen bïjre? Daesnie maahtah gaajhkem Sommerles-kampaanjen bïjre lohkedh: https://altom.sommerles.no/