Berteme Skádja Studio, Magnus Vuolaben baaktoe, 153 000 kråvnah åådtje «Sami Music Goalmmát» digitaalelaakan bæjhkoehtidh, mij lea jåarhke bæjhkoehtimmide «Sami Music Vuosttaš jaepeste 2019 jïh «Sami Music Nubbi» jaepeste 2021.

Magnus Vuolab lea gaektsie saemien artisth bööredamme meatan årrodh mah edtjieh altese komposisjovnh jeereldihkie musihkesjangerinie åehpiedehtedh. Lissie edtja göökte orre vuelieh åehpiedehtedh. Bæjhkoehtimmesne gaektsie laavlomh jïh göökte joejkh, mejtie Vuolab lea dorjeme jïh mejtie teeksth tjaaleme.

Saemiedigkieraerie aaj tjåanghkan 145 000 kråvnah vadta göökte fealadimmide.

Saemien artiste Katarina Barruk dåarjoem åådtje fealadæmman Nöörjesne, Sveerjesne, Soemesne, Estlaantesne jïh Polenisnie, jïh baante Arvvas, Sara Marielle Gaup Beaskine jïh Steinar Raknesine, dåarjoem åadtjoeh fealadæmman Japanisnie.

– Gellie darjomh saemien musihkesuerkesne, jïh saemien artisth fealadieh dovne Saepmesne jïh Saepmien ålkolen. Lissine musihke dorjesåvva jeereldihkie musihkesjangerinie. Bæjhkoehtimmieh dovne joejkeste jïh saemien musihkeste jïh fealadimmieh vïenhtem sæjhta goerkesem lissiehtidh dovne orresjugneden jïh aerpievuekien saemien musihkese, saemiedigkieraerie Maja Kristine Jåma (NSR) jeahta.

Dåarjoeh, tjåanghkan 298 000 kråvnah, vadtasuvvieh öörnegen bijjelen Joejke jïh saemien musihke.

Jis gyhtjelassh jallh gihtjehtimmie, gaskesadth saemiedigkieraeriem Maja Kristine Jåma (NSR), mob. +47 472 42 366, maja.kristine.jama@samediggi.no