- Manne aavodem meatan årrodh konferansesne jïh ïedtjije håalomh, åehpiedehtemh jïh
Maja Kristine Jåma
Åse M. P. Pulk/Sámediggi
soptsestallemh govledh ovmessie aspekti bïjre barkosne immaterijelle kultuvreaerpine, daajroejgujmie jïh praksisigujmie. Dïhte raastendåaresth jïh abpesaemien perspektijve leah vihkele barkosne saemien tjeahpojne, kultuvrine jïh kultuvreaerpine. Dagkeres noerhtelaanti konferansesne sïjhtem tjïertestidh aaj noerhtelaanti dïedtem saemien immaterijelle kultuvreaerpiem lutnjedh jïh eevtjedh, saemiedigkieraerie Maja Kristine Jåma jeahta.
Gyhtjelassh kommersijaliseeremen bïjre saemien kultuvreaerpeste sijhtieh akte dejstie teemijste årrodh
konferansesne. Mah mekanismh heerredieh jïh mah eevtjieh daajroem jïh aerpievuekieh vijriebasse jåerhkedh, jïh mah haestemh ovmessie aktöörh ålkone byjreskinie dååjrehtieh? Aaj soptsestalleme sjædta mejtie læstoetjaeleme lea hijven åssjalommese barkosne saemien immaterijelle kultuvreaerpiem vaarjelidh jïh jåerhkedh.
Ulmie konferansine lea goerkesem jïh voerkesvoetem lissiehtidh saemien immaterijelle kultuvreaerpien
bïjre akten nænnoes evtiedimmien mietie. Faageles håalomi jïh digkiedimmiej tjïrrh, konferanse sæjhta vijries digkiedimmiem vedtedh vaarjelimmien jïh jåerhkemen bïjre praksisijstie, aerpievuekijste, gieleste jïh daajroste Saepmesne.
Aktöörh Noerhtelaantine sijjen dååjrehtimmieh juekieh læstoetjaelieminie goh praksise jallh aerpievuekie UNESCO:n læstojne. Dej gaskem Kirstine Møller Kruanalaanten nasjonaalemuseumistie jïh våarhkoste mij sæjhta immaterijelle kultuvreaerpien bïjre soptsestidh gusnie våarome lea inuihti tråammadaanhtsoe- jïh laavlome Kruanalaanteste.
Såemies saemien institusjovnh sijhtieh sijjen barkoen bïjre vaarjelimmine jïh jåerhkieminie immaterijelle kultuvreaerpeste soptsestidh, jïh ovmessie gyhtjelassh bæjjese vaeltieh dan sjïekenisnie.
Konferanse lea bielie Nöörjen åejvieladtjeraereste Noerhtelaanti ministereraeresne 2022 jïh guhkiebasse barka implementeereminie UNESCO:n konvensjovneste vaarjelimmien bïjre immaterijelle kultuvreaerpeste jaepeste 2003.
Minngemes konferansesne sæjhta paneelesoptsestalleme årrodh gusnie teema lea guktie byjjesfaamoeinstitusjovnh Nöörjesne, Sveerjesne jïh Soemesne maehtieh viehkiehtidh guktie saemien immaterijelle kultuvreaerpie lokngesåvva laanteraasti rastah.
Jis gyhtjelassh jallh gihtjehtimmie, gaskesadth saemiedigkieraeriem Maja Kristine Jåma (NSR), maja.kristine.jama@samediggi.no