Nils Ante Eira vijries dååjrehtimmiem saemien politihkeste jïh seabradahkejieliedistie buakta, jïh Saemiedigkiem hijvenlaakan damta. Aarebi sæjjasadtjine Saemiedigkesne orreme göökte boelhkh (2013-2017 jïh 2017-2021) jïh lea Saemiedigkien reeremisnie barkeme boelhken 2005-2008. Eira Loabákesne (Lavangen) årroeminie, gusnie båatsoeburrie jïh lohkehtæjja.
Nils Ante Eira vijries dååjrehtimmiem saemien politihkeste jïh seabradahkejieliedistie buakta, jïh Saemiedigkiem hijvenlaakan damta. Aarebi sæjjasadtjine Saemiedigkesne orreme göökte boelhkh (2013-2017 jïh 2017-2021) jïh lea Saemiedigkien reeremisnie barkeme boelhken 2005-2008. Eira Loabákesne (Lavangen) årroeminie, gusnie båatsoeburrie jïh lohkehtæjja.
– Dan lea nænnoes duekie gaskem jeatjah båatsoen jïh lïerehtimmiesuerkien sisnjelen, jïh sæjhta joekoen vihkeles vierhtine årrodh saemiedigkieraaran. Daejnie nammoehtimmine dïhte hijven dåarjojne sjædta politihkeles stuvremasse vihkeles daajrojne maam daarpesjibie, saemiedigkiepresideente Silje Karine Muotka (NSR) jeahta.
Sov orre råållesne goh politihkeles raeriestæjja Eira sæjhta gelliej vihkeles teemajgujmie barkedh goh båatsoe, juvrepolitihke, jåartaburrie, areaale jïh fealadimmie. Dïhte aaj sæjhta gyhtjelassigujmie gïehtelidh mah aerpievuekien daajroen, gærhkoepolitihken, gïelen jïh ööhpehtimmien bïjre.
– Daate teemah mah leah joekoen vihkele saemien seabradahkesne, jïh mij dovne ïedtjem jïh veele daajroem kreava. Dannasinie leam geerjene Nils Ante Eira jaavoe jeehti daan barkose, jïh aavodem dejnie laavenjostedh, Muotka jeahta.
Nils Ante Eira sov orre råållan sïjse goh politihkeles raeriestæjjine vaajnojne tjaanga jïh aavode viehkine årrodh saemien seabradahken guhkiebasse evtiedimmesne.
– Joekoen gieltege sjædta saemiedigkieraerien politihkeles raeriestæjjine barkedh, jïh aavodem dej politihkeles aamhtesigujmie barkedh mah leah mov vaajmoen lïhkesadtje, don buaratjommesasse Saapman.