Saemien voestesgïeline lea dovne gïelefaage jïh lïerehtimmieråajvarimmie, daate sæjhta jiehtedh faage dovne jearsoe gïeleutnijh jïh gïeleguedtijh saemien seabradahkese buakta. Faagesne saemien mubpiengïeline våarome lea aavojne saemiestidh jïh nænnoes gïelemaallh nuhtjedh mah dam njaalmeldh gïelem evtiedieh.

Saemiedigkieraerie Mikkel Eskil Mikkelsen (NSR) lea aavone gosse åådtje daan sæjlere heannadimmien bïjre soptsestidh mij lea faageorrestimmien bïjre.

– Manne håhkesjem videjovh dovne nåhtose båetieh jïh dïrreginie sjædta mij skraejriem saemienööhpehtæmman vadta. Manne aaj håhkesjem dïhte skraejriem vadta guktie edtja doh orre learoesoejkesjh ööhpehtimmesne nuhtjedh, dovne faagesne saemien voestes- jïh mubpiengïeline, Mikkelsen jeahta.

Faagesne saemien voestesgïeline gïele- jïh teekstelearoe lea jarngesne. Learohkh edtjieh jearsoe gïeleutniejinie sjïdtedh jïh edtjieh daajroem joekehts teemaj bïjre åadtjodh mah leah gïeleldh tsiehkiej bïjre, guktie maehtieh dam daajroem nuhtjedh vielie lïeredh jïh barkoejieliedisnie. Mearan faagesne saemien mubpiengïeline lea saemiestidh jïh baakoevåarhkoem evtiedidh joekoen jarngesne.

Jis gihtjehtimmie jallh gyhtjelassh, gaskesadth saemiedigkieraeriem Mikkel Eskil Mikkelsen (NSR), tlf. +47 917 42 161, mikkel.eskil.mikkelsen@samediggi.no  

Dåarjoematerijellevidejovh gaavnh daesnie:

Julevsaemien:

Dåarjoematerijelle saemiengïelese voestesgïeline (julevsaemien gïele, nöörjen teekste) – 08:30 min 

Dåarjoematerijelle saemiengïelese mubpiengïeline (julevsaemien gïele, nöörjen teekste)  – 04:42 min 

Dåarjoematerijelle saemien faagide (julevsaemien gïele, nöörjen teekste) – åenehke 02:42 min 

Åarjelsaemien:

Dåarjoematerijelle saemiengïelese voestesgïeline (åarjelsaemien gïele, nöörjen teekste) – 09.35 min 

Dåarjoematerijelle saemiengïelese mubpiengïeline (åarjelsaemien gïele, nöörjen teekste) – 04.55 min  

Dåarjoematerijelle saemien faagide (julev- jïh åarjelsaemien gïele, nöörjen teekste) – åenehke: 02.45 min