– Mejtie galkebe hijven barkedh dejnie, orre jïh buerebe veeljemeöörnegem uvtedidh, dle viehkiem seabradahkeste daarpesjibie. Gogka haestemh jïh mah maehtieh buaranidh? Dam mijjieh sijhtebe daejredh, veeljemeöörnegemoenehtsen åvtehke Ragnhild Nilsson jeahta.

Moenehtse sov mandaatem Saemiedigkien stoerretjåanghkoste åådtjeme. Dah gelkieh j.g. veeljemegievlide, mandaatejoekedimmiem, saemien reeremedajvi jïh unnebe gïeledajvi representasjovnem,  jaabnedimmiemandaath jïh vöölemes raajam vierhtiedidh.  

– Mijjieh galkebe veeljemeöörnegem juvnehtidh mij maahta bööremeslaakan Saapman sjïehtedh. Dle mijjieh daarpesjibie daejredh guktie almetjh dïsse ussjededtieh jïh ussjedieh. Mij daan biejjien hijven jåhta jïh maam byörebe jeatjahtehtedh, Nilsson jeahta.

Moenehtsisnie postdåaktere Ragnhild Elisabet Nilsson, dotkemeprofessore Mikkel Berg-Nordlie, nubpierektovre Jonas Stein, laaketjiehpije Line Aimee Kalak jïh seniorraeriestæjja Lars Magne Andreassen. Dah gelkieh sijjen reektehtsem illedh mïetsken 1. b. 2027 åvtelen.

Raerieh maahtah moenehtsen e-påastese seedtedh valgordning@samediggi.no eannan snjaltjen 1. b. 2026.

Les mer om valgordningsutvalget

Valgordningsutvalget. Utvalget består at postdoktor Ragnhild Elisabet Nilsson, forskningsprofessor Mikkel Berg-Nordlie, viserektor Jonas Stein, jurist Line Aimee Kalak og seniorrådgiver Lars Magne Andreassen. Dánil Røkke