Lohkh reektehtsem prosjekten bïjre «Akte hïejme, göökte kultuvrh»  (PDF, 7 MB) (dovne daaroen, noerhtesaemien jïh åarjelsaemien)

Aajkoe prosjektine lea orreme daajroem ribledh dan bïjre mij eevtjie jïh mij hööptie saemien maanah foestehïejmesne sijjen reaktah åadtjoeh gosse lea tjåadtjoehtimmien jïh evtiedimmien bïjre saemien gïeleste jïh kultuvreste.

Prosjekte aajkojne åtneme statusem åadtjodh guktie tsiehkie lea daanbien soptsestallemi tjïrrh dej guejmiejgujmie mej bïjre lea, daate sæjhta jiehtedh saemien maanah foestehïejmesne, eejhtegh, foeste-eejhtegh jïh maanavaarjelimmiebarkijh. Daelie prosjekte gaervies jïh fïerske reektehtse gååvnese.

Reektehtse juvnehtimmiejgujmie båata mah maahtoelutnjije råajvarimmieh mejtie maahta evtiedidh jïh aelkedh juktie reaktide gorredidh dejtie maanide mah saemien maadtoste jïh foestehïejmesne årroeh.

Ruffien 2022 Norsk Fosterhjemsforening jïh Saemiedigkie latjkoen bïjre seamadin laavenjostoen bïjre evtiedimmien bïjre foestehïejmehokseste saemien maanide jïh noeride. Laavenjostoelatjkoe lea våarome daan prosjektese.

Lohkh laavenjostoelatjkoem Saemiedigkien jïh Norsk Fosterhjemsforeningen gaskem (PDF, 100 kB)