Barkoeboelhke lea govhte jaepieh, maam Saemiedigkien tjåanghkoeöörnegen mietie galkebe byjjeslaakan bïeljelidh fïerhten orre boelhken. Seehteme-moenehtse dåhkasjadta gïese barkoem vedtedh. Saemiedigkien stoerretjåanghkoe seehteme-moenehtsem nammoehti goeven 2025, Saemiedigkien presideenten juvnehtimmien mietie.

Barkoe Saemiedigkien direktöörine lea administrasjovnen njueniehkinie årrodh, gusnie dïedtem åtna gaskesadtedh sekretariaaten jïh politihkeles gïehtelimmien gaskem. Dan gaavhtan tjuara dovne maahtoem reeremen bïjre utnedh, dååjrehtsh juhtiehtæjjine utnedh jïh politihkem guarkedh.

Saemiedigkiepresideente Silje Karine Muotka Ørjan Marakatt Bertelsen

Saemiedigkien leah medtie 155 barkijh luhkie barkoesijjine. Saemiedigkiepresideente Silje Karine Muotka (NSR) åtna mejtie daate Saepmien vihkielommes juhtiehtæjjabarkoe.

– Datne naan dejstie barkoesommes jïh gieltiegommes aamhtesijstie mijjen seabradahkesne dååjrehth. Daennie barkosne datne politihkeri lïhke barkh, jïh aaj åadtjoeh Saemiedigkiem institusjovnine juhtiehtidh jïh evtiedidh, Muotka jeahta.

– Saemiedigkien direktööre eevre vihkeles funksjovnem åtna saemien seabradahkesne. Direktöörine datne tjoerh maehtedh hijven juhtiehtæjjine årrodh, seammasïenten goh mijjieh Saemiedigkiem evtiedibie jïh nænnoestibie enn vielie laavenjassi gujmie jïh dïedtine, saemiedigkiepresideente dle jeahta.

Barkoem bïeljelibie laavenjostosne dåårrehtimmie-byjrovinie Heia Nord-Norge, mij mijjem prosessesne viehkehte. Åssjaldahke lea aktem barkose gaavnedh giesien.

Lohkh bïevnesh barkoen bïjre