President Silje Karine Muotka og plenumsleder Sandra Márjá West utenfor slottet Inger Elin Kristina Utsi, Sámediggi

Saemiedigkiepresideente Silje Karine Muotka jïh stoerretjåanghkoen åvtehke Sandra Márjá West Saemiedigkien åvteste meatan årroeh dejnie byjjes vïhtesjimmine jïh seremonijine sårkoeboelhkesne.

Aejlegen dah lin meatan mojhtesegyrhkesjimmesne Oslovem domgærhkosne. Dæjstan dah leah meatan mearan vuernie Stoerredigkesne, jïh bearjadahken dah kondolansh buektieh Slåahtesne.

Saemiedigkie nasjonaale sårkoeboelhkem ååktoe jïh dej bïhkedassi mietie barka staaten gïehtelimmiej åvteste. Daan gavhtan jeenjemosth eksteerne dåajmijste leah heajhtasovveme jallh juvlemen minngelen sirtesovveme. Soejkesjamme tjirkijefeelemh daan boelhken leah aaj sirtesovveme.

– Mijjieh meatan sårkoem guedtedh jïh sårkoeboelhkem ååktebe. Daan åvteste gaajhke politihkeles gïehtelimmieh juvlemen raajan heajhtasuvvieh jallh juvlemen minngelen sirtesuvvieh, Silje Karine Muotka jeahta.

Daan våhkoen soejkesjamme parlamentarihkekonferaanse saemiedigkietjirkiji gujmie golme laantijste Girkonjárgesne daan gaavhtan ij tjïrrehtuvvieh. Åssjelasse orre daatoeh tjåanghkose nååhtedidh.

– Saemiedigkie meatan sårkosne. Gånka Harald lea hijven relasjovnem saemien åålmeginie tjåadtjoehtamme jïh vijrebasse evtiedamme, jïh mojtesh mijjide vadteme mejtie ibie gåessie åajaldehtieh, stoerretjåanghkoen åvtehke Sandra Márjá West jeahta.