Buerie biejjie jïh gæjhtoe bööremen åvteste!
Manne aavoedamme diekie båetedh. Vuartesjh dijjen bïjre, man tjaebpies dajve. Juste daesnie gellie gieltegs heannadimmieh daej biejjiej.
Mijjen åarjel- jïh ubmisaemien dajve. Gåabpah gïelh tjarke håvhtadamme jïh daerpies dejtie nænnoestidh juktie gïelide vaarjelidh jïh evtiedidh. Dan åvteste manne aavosne spïele edtja dejtie gïelide nuhtjedh jïh aaj aamhtesinie seminaarine.
Klemetspelet soptseste Kleamman jïh sov fuelhkien bïjre jïh maam dåårjehtamme jielemen tjïrrh. Guktie ij maehtedh stoerreseabradahki mietie jieledh, vigkesne jïjtjsinie årrodh pressen åvteste.
Saemieh iktesth ektiedimmiem åtneme dajvide gusnie årroeminie jïh eatnamasse gustie gaajhkh jielemh. Dan åvteste tuhtjem rovnege datne “ammes” sjïdteme jïjtje hïejmese jïh guktie åtnoedajve sjædta goh ij guhte desnie orreme.
Dellie vihkeles gihtjedh jis daate dajve ammes Kleammese jïh sov fuelhkie? Dah dïjpesovvin göökte staati koloniseremen gaavhtan gosse raasth steegkesovvin jïh tjoerin veeljedh mejnie bielesne rïjhkeraastijste årrodh – jis veeljemem åadtjoejin.
Mijjieh ibie rïjhkeraastide vuejnieh, jïh ibie mijjieh ammes jïjnjene dajvine seammasahth gusnie mijjieh. Gåarede aaj gïelh mijjeste vuejnedh jis eensilaakan vuajna. Gaajhkesh byöroeh ussjedidh gusnie libie.
Maahta saemien baelien vuesiehtidh gellie laakan. Vuömien Tjuajah Laajroedurresne gieltegs prosjeekte maam Ada Einmo dorjeme, mij saemien sijjienommh, vuelie jïh gïelh bååstede saemien dajvide båetieh. Aavodem daam dååjrehtidh jïh vuejnedh maam dah vytnesjæjjah dorjeme.
Klemetspelet gellie jaepieh dovne Beaivváš jïh Åarjelsaemien teaaterinie laavenjosteme. Fïerhten jaepien saemien dorjehtæjjah, artisth jïh tjiehpiedæjjah meatan orreme. Munnjan hijven vuejnedh guktie saemien institusjovnh maehtieh daajroem juekedh jïh guktie institusjovnh maehtieh sinsitneste lïeredh. Sinsitniem buerebe buektedh jïh laavenjostemen tjïrrh, dle bööremes resultaatem åadtjoeh.
Saemiedigkieraerie aavosne maehtebe dåarjodh. Håhkesjem hijven vuesiehtimmie, maarhna, seminaarh jïh gaajhkh mah programmesne.
Gæjhtoe.