Saemiedigkieraerie joe daelie vuajna gellieh bööredimmieh båetieh saemiedigkiepolitihkeridie saemiej åålmegebiejjien gaavhtan båetije jaapan.

Mejtie radtjoeslaakan juhtedh, dle birrebe dijjieh bööredimmiem seedtede åvtelen 02.01.2026. Seedth bööredimmiem e-påastese: samediggi@samediggi.no 

– Mijjieh aejkiemieriem bïejebe, dle maehtebe buerebelaakan soejkesjidh jïh ryöhkebe vielie öörnedimmine dåeriedidh, kommunikasjovnedirektööre Inger Elin Utsi jeahta.  

Siebrieh, åårganisasjovnh, tjïelth jïh jeatjah byjjes åårganh mah joe bööredimmieh seedteme eah daarpesjh dam ikth vielie darjodh.