Gulliegïele-baalhka professore emerituse Nils Øyvind Helanderen

Gulliegïele-baalhka professore emerituse Nils Øyvind Helanderen, Máre Jon Nilsa saemien, gåajkoe vadtasovveme sov guhkies jïh gellielaaketjen jielemebarkoen åvteste saemiengïelem evtiedidh.

Dan barkosne, saemiengïelem nænnoestidh, Helander jeatjah gaskem universiteetesne Romsesne, Sámi allaskuvlesne jïh Saemiedigkesne Nöörjen bielesne barkeme. Baalhkan eaktoej mietie Helander dovne lohkehtæjjine, dotkijinie jïh gïeletjiehpijinie eensi noerhtesaemien gïelesåjhtoen evtiedimmiem jïh saemien terminologijem baajnehtamme. Dan barkoe aaj jæjhta saemiengïeleldh faagealmetji ööhpehtimmesne jïh gïelevoerkesvoetesne gelline boelvine. Helanderen barkoe akademihkeles åtnoem saemiengïeleste evtiedidh eevre joekoen orreme. 

Baalhkan dåastoje Helsinkisne bæjhkoehtovvi daan biejjien goh ministerh dïedtine saemien aamhtesi åvteste jïh saemiedigkieh Soemen, Sveerjen jïh Nöörjen bieleste tjåanghkenin. Saemiedigkeste Nöörjen bielesne saemiedigkieraerie Paul Bendikk Jåma meatan, mearan nöörjen reerenassen tjirkije lij tjïelte- jïh dajveministere Bjørnar Skjæran. 

Tjåanghkosne dah jeatjah gaskem jarkelimmide jearsoesvoetebyjresisnie saemiej vuajnoemiereste jïh saetniesvoete- jïh liktemeprosesside ovmessie laantine digkiedin.

Gulliegïele-baalhka tseegkesovveme ministerijstie mej lea dïedte saemien aamhtesi åvteste Nöörjesne, Sveerjesne jïh Soemesne jïh aaj saemiedigkiepresideentijste dejnie laantine. Baalhka voestes aejkien vadtasovvi jaepien 2024 jïh fïerhten mubpien jaepien vadtasåvva. Baalhka vadtasåvva almetjidie jallh organisasjovnide mah leah joekoenlaakan saemiengïelem evtiedamme jallh vaarjelamme. 

Prismottaker Nils Øivind Helander med representanter for prisgiverne.