1986 Saemieraerien  13:e saemiekånferansesne saemiesӕvegem dååhkasjehtin goh vӕhta gaajhkide saemide. Seamma aejkien nӕnnoestin  Sámi  soga lávlla jallh Saemiej åålmegelaavlome, edtja byjjes Saemiej naasjovnelaavlome årrodh. Tekstem 1906 mearoesaemie Isak Saba (1875-1921) tjeeli jïh melodijem Arne Sköld komponereme.

Mïetsken 2022 Saemieraerie  nӕnnoesti 22:e kånferansesne ”Sámieatnan duoddariid” edtja naasjovne joejkine veeljedh Saemiejåålmege laavlomen ektine. Joejkem soemie-saemie tjaelije, musihkere jïh tjiehpiedӕjja Nils-Aslak "Áillohaš" Valkeapää tjeeli jïh joejkem komponeri 70-taalesne. Joejkem jarkoestamme gellie saemien gïelide.

Aalkoevistie digitale laavlome sjӕdta mejtie saemiedigkij jïh saemieraerien gåetiesӕjrojne gååvnesieh.

Veedtjh Saemien laavlomen teekstem jïh joejkem Saemien eatnemen guevtelh gelline gïeline (PDF, 990 kB)

– Nåake jïh barkoes laavenjasse dam sjïere gïelide tjööngkedh mah gååvnesh jïh byjjestjaalegem bӕjjoehtidh mejtie buerie edtja sjidtedh båetije beajjan.  Mijjieh aervedibieh byjjestjaalegem galkien gïehtjedidh jïh åssjalommine båetedh mejnie mijjieh tjoerebe barkedh. Dan gaavhtan daate lea voestes tjaalege mejtie mijjieh bӕjjoehtibie saemiej almetjidie njieljie rïjhkine, moenehtsen åejvie Lars-Jonas Johansson jeahta.

Voestes saemiej rïjhketjåangkoe lij Tråantesne goevten 6. b. 1917. Tjåangkosne bijjelen tjuetie saemieh tjåangkanin Sveerjeste jïh Nöörjeste, jïh dovne jijnjh nyjsenӕjjah lij aaj meatan. Daate lij voestes aejkien saemiej histovrijsne gåessie noerhte- jïh åarjelsaemieh Nöörjeste jïh Sveerjeste tjåangkose gaavnesjien raasten namhtah ektie dåeriesmoerij bïjre digkiedidh. Dannasinie goevten 6. b. saemiejj naasjovne beajjan jallh Saemie-åålemege beajjan veeljesovvin.