Negkeme jååhkesjimmien namhtah lea seksuelle vædtsoehvoete. Kampaanje uvtemes baernide jïh noere gaarmanæjjide 16 jaepien raejeste 30 jaepien raajan. SnapChaten, TikToken jïh jeatjah kampaanjevierhtiej tjïrrh kampaanje galka tsåatskelesvoetem sjugniedidh, mïelide haestedh jïh ussjedadtemasse jïh soptsestallemidie kråahpen, negkemen, krïensi jïh jååhkesjimmien bïjre bööredh.
www.sexyordbok.no evtiehtassh baakoej jïh jiehtegi åvteste buakta mah maehtieh aelhkiedehtedh kråahpen, seksualiteeten, jååhkesjimmien jïh krïensi bïjre soptsestidh. Baakoeh laavenjostosne ovmessie saemiestæjjaj gujmie evtiedovveme. Ibie baakojde normeereme, men dah gelkieh våaroeminie årrodh soptestallemasse, evtiedæmman jïh guhkiebasse gïelebarkose.
Gïele lea faamohks. Gïele hammode guktie mijjieh kråahpem, seksualiteetem jïh mijjen krïenside guarkebe, jïh dïhte vihth baajnehtamme destie man bïjre soptsestibie, jïh destie ibie man bïjre soptsesth.
Kampaanjen ulmie skaamoem giehpiemdidh, noeri aajhterevoetem jïjtsh kråahpijste jïh seksualiteeteste jïh krïenside tjïelkestidh. Kampaanje galka lustes jïh tjïelkes alternatijvine årrodh pornoen, deadtoven jïh «baernieaajmoen» vööste. Ij aajmoe jååhkesjimmeste baajnehth, jååhkesjimmie nuepiem jearsoes jïh hijven negkemen åvteste buakta
Streaming av lanseringa kan du se her:
module.cookie.notice.video.requirement