Sïemesvoete duedtien orre jielemelatjkoen bïjre 2023

Saemiedigkie lea seamadamme guejmiejgujmie Sámiid Duodji jïh Duojáriid Ealáhussearvi duedtien jielemelatjkoen bïjre 2023. Guejmieh leah sïemes akten ållesth mierien bïjre jaapan 2023 7,1 millijovnh kråvnine, seamma njieptjie goh jielemelatjkoe 2022.

– Manne joekoen madtjele guejmieh leah seamadamme rååresjimmine duedtien orre jielemelatjkoen bïjre, saemiedigkieraerie Hans Ole Eira (Gk) jeahta.

Dïhte jeahta annje vihkele duedtiem prioriteeredh goh jieleme jïh råajvarimmie evtiedimmien jïh mïerhkevaaroebigkemen sisnjeli. Koronapandemije jïh dåara Ukrainesne leah eantan vielie våajnoes dorjeme gïehtelimmiej daerpiesvoetem orre maarkedh jaksedh, orre distribusjovnevuekieh jïh orre vuekieh sijjen gïehtelimmieh organiseeredh.

Beaiveálgu-bæjhkoehtimmesne saemiedigkieraerie tjïerteste duedtielatjkoe byöroe ohtsemebaseereme öörnegem feerhmedh skåårvemasse jïh bueriedæmman duedtievierhkiesijjijste jïh duedtielokaalijste.

– Daate lea fåantoe man åvteste 190 000 kråvnah bïejesovvi orre ohtsemebaseereme öörnegasse ektie duedtievierhkiesijjide. Saemiedigkie meala ektie duedtievierhkiesijjide sjïehteladtedh aaj maahta hijven areenine årrodh jienebh vytnesjæjjah dåårrehtidh jieliemasse tïjjen åvtese, Eira jeahta.

Saemiedigkie aaj sæjhta organisasjovnigujmie vielie rååresjidh guktie maahta Saemiedigkien ulmiem duedtine goh jieleme buektiehtidh laavenjostosne organisasjovnigujmie.

Saemiedigkien stoerretjåanghkosne aadtjen, aamhtesisnie 34/22, Ektiedahkoe jïh organiseereme duedteste, nænnoesti åejvielatjkoem jïh jielemelatjkoem tjåanghkan bïejedh akten ektie tjaatsegasse. Dan gaavhtan dle jielemelatjkoe jïh åejvielatjkoe sæjhta ektie tjaatsegisnie årrodh.

–Saemiedigkie aaj veanhta lea praktihkeles tïjjem rååresjimmide jarkelidh tjaktjeste gïjrese, mij sæjhta vielie akteraeresne årrodh dej jeatjah budsjedteprosessigujmie, Eira minngemes jeahta.

Jis gihtjehtimmie jallh gyhtjelasse, gaskesadth saemiedigkieraeriem Hans Ole Eira (Gk), mob. +47 918 61 471, hans.ole.eira@samediggi.no

Joekedimmie latjkoen ekonomeles miereste 2022 jïh 2023:

Joekedimmie latjkoen ekonomeles miereste 2022 jïh 2023:
  Sametingets budsjett 2022 Sametingets budsjett 2023
Gïehtelimsdåarjoe – ohtsemebaseereme dåarjoe 2 500 000 2 800 000
Skåårvemh, evtiedimmieråajvarimmie, konsulenteviehkie, tseegkemedåarjoe jïh prosjekth – ohtsemebaseereme dåarjoe 1 200 000 1 200 000
Duedtiestipende – ohtsemebaseereme dåarjoe 160 000 210 000
Tryjjesvoeteöörnegh – ohtsemebaseereme dåarjoe 20 000 50 000
Duedtiekuvsjh 200 000 110 000
Maarkedesjïehtedimmie / maarkedefoeresjimmie – ohtsemebaseereme dåarjoe 830 000 500 000
Duojáriid Ealáhus Searvi – ryöktesth dåarjoe 630 000 630 000
Sámiid Duodji - Ryöktesth dåarjoe 1 310 000 1 310 000
Faage- jïh ekonomeles moenehtse - prosjekte 50 000 100 000
Vierhkiesijjie – ohtsemebaseereme dåarjoe - 190 000
Organiseereme duedtielatjkoste 200 000 -
Summe jielemelatjkoe 7 100 000 7 100 000
ArtikkelPublisertDatoFront 20.10.2022 15.24
SistEndret 21.10.2022 09.30