Vitnije Noerhtelaanti saemien gïelebaalhkeste - Gulliegïele 2022

​​Noerhtelaanti saemien gïelebaalhka – Gulliegïele 2022 emerituse professovre Ole Henrik Maggese vadtasovvi. Dïhte lea abpe jieledem råajvarimmiejgujmie hijvenlaakan barkeme dejtie saemien gïelide eadtjoestidh, evtiedidh jïh vaarjelidh. Dahkoej tjïrrh lea saemide jïh veartenen årrojidie vuesiehtamme saemiengïele vihkeles jïh jielije gïele.

Ole Henrik Magga får nordisk samisk språkpris Gollegiella 2022 Ninni Andersson/Regeringskansliet

Sveerje gåassoehtæjja-laante gosse gïelebaalhka Gulliegïele låhkeden aejkien juakasåvva. Baalhka edtja juakasovvedh gosse ministere- jïh saemiedigkiepresideente-tjåanghkoe hööltesåvva Stuehkesne tsïengelen 18 biejjien 2023.

Sveerje gåassoehtæjja-laante gosse gïelebaalhka Gulliegïele låhkeden aejkien juakasåvva. Baalhka edtja juakasovvedh gosse ministere- jïh saemiedigkiepresideente-tjåanghkoe hööltesåvva Stuehkesne tsïengelen 18 biejjien 2023.

– Joekoen vihkeles dejtie saemien gïelide vaarjelidh jïh evtiedidh. Ole Henrik Magga lea guhkies aejkien stoerre åvteguvvine orreme saemiengïelem nuhtjedh, jïh dan dïehre madtjeldem gïelebaalhkam Gulliegïele daan biejjien Ole Henrik Maggese vedtedh, Sveerje kultuvreministere Parisa Liljestrand jeahta.

– Manne joekoen geerjene Ole Henrik Maggam Gulliegïelebaalhkese 2022 læhkoehtidh. Dahkoej tjïrrh vuesehte sjiehteles hov satnem baalhkine aajhtsedh jïh heevehtidh, Håkan Jonsson Sveerje Saemiedigkien ståvroeåvtehke jeahta.

Ole Henrik Magga jaepien 1947 reakasovvi Guovdageaidnusne Nöörjen raedtesne. Sov barkojne dej saemiej gïeli åvteste lea gellie luhkie jaepieh tjælloestamme gïeli evtiedæmman, dovne akademijen lohkeminie, dotkeminie, jïh learoevierhtieh evtiedimmine jïh ööhpehtimmine.

Magga lea dam daaletje noerhtesaemien tjaelemevuekiem dorjeme, åarjelsaemien grammatihkem tjaaleme Lajla Mattsson Maggine ektine jïh meatan orreme dovne ubmeje- jïh pijtesaemien tjaelemevuekide evtiedidh.

Magga aaj viehkiehtamme aalkoealmetji institusjovnh bigkehtehtedh nasjovnesne jïh gaskenasjovnesne, vuesiehtimmien gaavhtan voestes åvtehkinie ENn ihkuve forumisnie aalkoealmetjeaamhtesidie jïh Saemiedigkiem Nöörjesne bigkehtehtedh, gusnie Ole Henrik Magga voestes åvtehke.

Gïelebaalhka tseegkesovvi edtja almetjh skreejrehtidh dejtie saemien gïelide evtiedidh jïh jealajehtedh. Gïelebaalhka juakasåvva fïerhten mubpien jaepien.

Jienebh bïevnesh baalhkan jïh övtebe baalhkavitniji bïjre.

Gollegiella 2022 Ninni Andersson/Regeringskansliet
ArtikkelPublisertDatoFront 18.01.2023 12.30
SistEndret 19.01.2023 13.26