Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus doarvái vejolašvuohta ovddidit Sámedikki min višuvnna guvlui Ovttas nannet Sámi.

Bušeahtta- ja ovttastahttinjuhkosis leat vihtta bargi oktan juogusjođiheddjiin. Juogus gullá Sámedikki hálddahusossodahkii. Hálddahusossodagas leat maiddái Ekonomiija- ja bálkájuogus, HR-juogus ja juogus DGT ja doaimma várás.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin ja Ájluovttas.
Sámedikki bargit fertejit rehkenastit veahá mátkkoštit.

Barggut

Controllerin leat dus čuovvovaš barggut:

• Evalueret stivren- ja bearráigeahččanvuogádagaid sihkkarastin dihte ahte doaimma strategiija ja mihttomearit olahuvvojit beaktilis vugiin.
• Nannet, viidásetovddidit ja beavttálmahttit siskkáldas bearráigeahččanvuogádaga.
• Veahkehit ráhkadit buriid mearridanvuođuid.
• Doaibmat láidesteaddjin oppa áigge buoridanbarggus nannen dihte min buvttademiid.
• Viidásetovddidit ja buoridit raporteremiid rutiinnaid, proseassaid ja vuogádagaid.
• Sámedikki doaimma riskaanalysa ja dan čuovvuleapmi.
• Veahkehit doarjjanjuolggadusaid ráhkadanbarggus.
• Veahkehit Sámedikki ossodagaid árvvoštallat doarjjavuostáiváldiid raporteremiid.
• Veahkehit Sámedikki bušeahta ja jahkeraportta ráhkadeamis, ja maiddái veahkehit ekonomiijajuhkosa jahkečielggademiin.
• Veahkehit ekonomiijajuhkosa dulkot njuolggadusaid ja Stáhta rehketdoallostandárddaid.
• Veahkehit ja čuovvulit vejolaš áššiid maid Riikarevišuvdna ja Sámedikki bearráigeahččanlávdegoddi váldet ovdan.
• Ráđđeaddin ja oahpahus.

 
Eará barggut dárbbuid mielde, ovdamearkka dihte:

• Searvat olgguldas čoahkkimiidda ja semináraide main du áššesuorggit leat fáddán.
• Veahkehit ovddidit iešguđetlágan skoviid, ohcanvuoruid ja nu ain Sámedikki doarjjahálddašanvuogádagas.

Du bargoárgabeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Gelbbolašvuohta

Dus ferte leat: 

• Bacheloroahppu mas lea spesialiseren dárkkisteamis dahje ekonomiijastivremis.
• Unnimusat 5 jagi bargohárjáneapmi revisoran/controllerin. Muđui čujuhit stáhtabargiidláhkii § 3 – gelbbolašvuođaprinsihppa.
• Máhttu almmolaš hálddašeamis
• Buorre gelbbolašvuohta Microsoft Excelis, Wordas ja PowerPointas
• Buorre čálalaš ja njálmmálaš ovdanbuktinmáhttu dárogillii ja/dahje sámegillii
• Buorit gulahallanattáldagat ja dáidu ovddidit luohttámuša
• Buorit gulahallannávccat ja gealbu bargat iešheanalaččat ja vuolggahit áššiid
   

Lea sávahahtti ahte:

• ​​​​​Dus lea gelbbolašvuohta/hárjáneapmi ekonomiijastivremis stáhtas ja doarjjahálddašeamis
• Dovddat hálddašanlága ja almmolašvuođalága
• Leat bargan láhkaásahusaiguin mat gusket doarjagiidda almmolaš sektoris
• Dus lea máhttu doaibmastivrema birra stáhtas
• Dovddat DFØ siskkáldas dárkkisteami málle
• Dovddat sámi servodatdiliid
• Du mielas lea digitaliseren gelddolaš

Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái.

Geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Mii fállat

Min luhtte beasat bargat miellagiddevaš bargguid Sámedikki máŋggabealat birrasis.

Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari.

Sámediggi čuovvu stáhta láhka- ja šiehtadusdoaimma.

Min luhtte oaččut

• Buriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii.
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 30 000 ru rádjai, sii ožžot maiddái sierra vearrogessosa.
• Nuvttá mánáidgárdesadji Finnmárkkus ja Davvi-Romssas borgemánu 1. b. 2023 rájes
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis
• Gelbbolašvuođaloktema sámegielas ja kulturipmárdusas

Máŋggabealatvuohta Sámedikkis

Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. 

Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis.

Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái.

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 Ráđđeaddi gaskkal bálkáceahki : 56/548 600 – 66/646 000r.u jahkái dahje 1364 Seniorráđđeaddin gaskkal bálkáceahki :63/615 700 – 70/692 400r.u jahkái, vuolgá ohcci bargohárjáneamis ja gelbbolašvuođas. Virgáduvvot 1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi. Virgádeapmi dahkko gustovaš lágaid, njuolggadusaid ja šiehtadusaid olis.

Ođđa bargi geas lea sámegiel oahppu allaskuvllas dahje universitehtas ja geas leat 60 oahppočuoggá sámegielas, ja gii geatnegahttá iežas bargat guovtti gillii, oažžu bonusa go virgáduvvo (vástida guokte mánnobálkká).
Virggis lea 6 mánu geahččalanáigi.

Ná ozat virgái min lusa

Orru go virgi miellagiddevaš ja háliidat go ohcat? Don ozat virgái min rekruterenportálas. 

Oza barggu Sámedikki rekrutterenportála bokte

Mii bivdit du bidjat mielde oahppo- ja bargoduođaštusaid ja ohcanreivve. Mii bivdit du namuhit unnimusat guokte referánssa juogo ohcanreivves dahje CV:s. 

Jus dus lea oahppu olgoriikkas, de bivdit mii du bidjat mielde dohkkeheami Alit oahpu- ja gelbbolašvuođadirektoráhtas. Don gávnnat eanet dieđuid dan birra dás: Søk godkjenning av høyere utdanning (bachelor, master, ph.d) | HK-dir (hkdir.no)

Mii árvvoštallat du ohcama daid dieđuid vuođul maid leat sádden midjiide go ohcanáigemearri lea dievvan. Lea danne dehálaš ahte don čájehat movt du gelbbolašvuohta deavdá gelbbolašvuođagáibádusaid mat leat čilgejuvvon almmuhusas.

Ohcciidlistu

Go ohcanáigemearri lea dievvan, de ráhkadit mii almmolaš ohcciidlisttu. Jus it hálit iežat nama oidnot dán listtus, de fertet russet ja čilget dan ohcamušas. Mii váldit oktavuođa duinna jus eat sáhte vuhtiiváldit du sávaldaga čiehkat nama ohcciidlisttus. Ohcciidlisttu beassá geahččat go jearrá.

Oktavuohta

Eanet dieđuid virggi birra oaččut go válddát oktavuođa:Juogushoavddain Veslemøy Dahl telefuvnna bokte, Tlf. +47 958 50 804  dahje e-poasta veslemoy.dahl@samediggi.no.

Min birra

Sámedikki bargit barget diehtovuđot ja lea njunuš institušuvdna Sámis. Min bargiin lea alla gelbbolašvuohta iešguđet fágasurggiin ja áŋgiruššet Sámedikki mandáhttii, višuvdnii ja bargguide. Sámedikki bargin don sáhtát earret eará bargat politihkalaš mearrádusaid čuovvulemiiguin, joatkevaš buoridemiiguin ja hálddašan- ja áššemeannudanbargguiguin.

Sámedikki hálddahusa jođiha direktevra, dat lea juhkkojuvvon fágaossodagaide ja juhkosiidda, ja das leat sullii 150 jahkebarggu. 

Sámedikkis leat gáiddus bargosajit, gos bargit barget ossodagaid ja juhkosiid rastá. Parlameantavisti lea Kárášjogas, ja eará kántursajit leat Vuonnabađas Unjárggas, Guovdageainnus, Olmmáivákkis Gáivuonas, Romssas, Skániin Dielddanuoris, Ájluovttas Hábmeris, Aarbortes ja Snåases. 

Bargit sáhttet guossin bargat eará kántorsajiin. Dat ábuha dasa ahte bargit oahpásmuvvet Sámi iešguđet guovlluide, ja huksejit oktavuođaid ja bargobirrasa ossodagaid, juhkosiid ja kántorsajiid rastá.

Sámedikki višuvdna: Ovttas nannet Sámi

"Ovttas nannet Sámi" lea Sámedikki višuvdna bargiide bargguide. 

Sámedikki deháleamos bargu lea Sámedikki politihka ja hálddašeami bokte seailluhit sámi giela, kultuvrra ja servodateallima. 

Sámedikki višuvnnas leat vihtta vuođđoárvvu; sámi vuoigŋa, rabasvuohta, ovttasráđálašvuohta, searvadeapmi, luohtehahttivuohta ja oskkáldasvuohta.

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji