Saemiedigkien mïelen mietie edtja aarvoesjugniedæmman nasjonaalepaarhkine jïh jeatjah stuerebe vaarjelimmiedajvine sjïehteladtedh naemhtie guktie saemien jielemh mah joe gååvnesieh, gorresuvvieh. Saemiedigkie edtja dan åvteste barkedh dejnie vaarjelimmiedajvine mah leah aerpievuekien saemien dajvine tseegkesovveme.

• ij edtjh lissiehtamme feelemasse jïh orre jieliemidie sjïehteladtedh mah saemien jielemh jïh utnijedåehkieh goerpedehtieh mah joe gååvnesieh, jïh bielelen konsekvenside vuartasjamme saemien kultuvren jïh jielemi eatnemevåaroemasse
• aarvoesjugniedimmie edtja gaagnine årrodh saemien reakta-aajhteridie
• saemien voenges siebriedahki daerpiesvoeth edtjieh guessiej jïh orre utnijedåehkiej daerpiesvoeti åvteli båetedh gosse sjïehteladta vaarjelimmiedajvh nuhtjedh
• bïevnesematerijelle vaarjelimmiedajvi bïjre edtja daajroem jïh goerkesem guesside vedtedh saemien åtnoen bïjre dajvesne
• saemien fealadasse nuepieh åtna jïjtjemse evtiedidh vaarjelimmiedajvine

Vielie Saemiedigkien vaarjelimmiedajvepolitihken bïjre: Saemiedigkiebïevnese areaalen jïh byjresen bïjre (PDF, 4 MB)