Sámediggi háliida bidjat fokusa báikkálaš biebmoguossohansajiide suohkaniin/gielddain Kárášjogas, Guovdageainnus, Porsáŋggus, Deanus ja Unjárggas, ja bidjá dan dihte johtui fitnodatovddidanprográmma Faamoe báikkálaš biebmoguossohansajiide.
Faamoes galget fitnodagat nannet mearkagálvvu ja buoridit ekonomiijaipmárdusa, seammás go fierpmádat nannejuvvo.
Prográmma ulbmil lea nannet báikkálaš biebmoguossohansajiid gánnáhahttivuođa ja movttiidahttit sin geavahit báikkálaš biepmuid vuođđoávnnasin. Koronapandemiija lea dagahan ahte lea stuorát beroštupmi bibmui mii ii leat fievrreduvvon obage dahje mii ii leat nu guhkás fievrreduvvon, biebmooadjebasvuhtii ja biebmobuvttadeapmái, ja dálkkádahkii ja birrasii.
Báikkálaš biebmoguossohansajiin lea stuora mearkkašupmi báikegottiide ja leat dehálaččat ássanmillii.
Lea Visjona AS mii jođiha Faamoe Báikkálašbiebmu Sámedikki ovddas.