Vuosttaš Faamoe-prográmma čađahuvvui 2019/2020. Marie Louise Somby, Árvu Faamoe joavkkus eai leat nu galle fitnodaga mielde, vai ovdána ovttasbargu, muhto seamma dehálaš lea deattuhit máhttojuohkima fitnodagaid gaskkas. Dan oktavuođas lea luohttámuš dehálaš.

Faamoe oassálastima mihttun lea lasihit fitnodagaid dietnasa. Álggus mii kártet fitnodaga dili dál ja ovttas mii bidjat mihttomeriid fitnodahkii (dan dili maid fitnodat háliida boahtteáiggis). Dálá dili analyseren ja háliiduvvon boahttevaš dilli vuolggahit máŋga konkrehta doaibmabiju maid fitnodat galgá čađahit Faamoe áigodagas, mii lea jahki.

Vuosttaš prográmma čađahuvvui 2019/2020. Fitnodagat mat válljejuvvojedje leat Árvu, Graveniid, LilleLis smykker, Kine Kunst ja Sámi Stories. Prográmma galggai loahpahuvvot oassálastimiin Oslo Design Fair lágideapmái 2020 borgemánus, muhto koronapandemiija geažil ii šaddan dát lágideapmi.

Dát fitnodagat galget boahtteáiggis leat ovdagovvan eará sámi fitnodagaide. Ovdagovvan mii oaivvildit ahte dat galget leat ofelažžan, ja čájehit ahte lea vejolaš lihkostuvvat sámi fidnohutkin. Dat sáhttet boahtteáiggis leat buorit ambassadevrrat eará sámi fitnodagaide.  

Nubbi Faamoe-prográmma čađahuvvo 2020/2021 Árvu  Faamoe 2 álggahuvvui 2020 čavčča. Čuovvovaš fitnodagat leat mielde Faamoe 2:s:

XAK Ovlla Gaup bokte
MIILEAT, Anja Johnsen Thonhaugen bokte
Davvi Siida Ellinor Guttorm Utsi bokte
SiEvA Design Sara Ellen Anne Buljo Eira bokte
Maritex Gávpi Inger Máret Bongo bokte
Ann-Sofi Kallok
Laila Labba art Laila Labba bokte.

Designfitnodat Árvu jođiha Faamoe 2 Sámedikki ovddas.