Sivvan dasa ahte Sámediggi álggahii dán prošeavtta, lea go mii diehtit ahte doaresbeliin leat ollu hutkás ealáhusdoaimmaheaddjit geat barget okto ruovttus. Mearriduvvui čađahit ovddasmanniprošeavtta guovtti gielddas Finnmárkkus, Guovdageainnus (2018) ja Deanus (2019). Buot SED-guovllut besse ohcat ja dušše dát guokte gieldda ohce. 

Hutkás gieldda mihttu lei gieldda hutkás ealáhusa oažžut eanet oidnosii ja lasihit ovttasbarggu gaskal hutkás ealáhusdoaimmaheddjiid ja gaskal doaimmaheddjiid ja gieldda.

Bohtosat goappašiid gielddain čájehit ahte hutkás ealáhusdoaimmaheddjiin lea dárbu deaivvadit, ollu doaimmaheaddjit eai dovddadan ovddežis. Máŋggas háliidedje ovttasbargat guhtet guimmiideasetguin, muhto maiddái gielddaiguin.