Dat dáhpáhuvai guovvamánu 4. ja 5. beivviid Romssas. Vuosttaš beaivvi lei giddejuvvon lágideapmi sisaostiide ja čájeheddjiide (sámi designeriidda). Seammás lágiduvvui duodjebargobádji. Nuppi beaivvi lei rabas lágideapmi, meassut, mas sámi designerat/hábmejeaddjit/duojárat sáhtte vuovdit iežaset gálvvuid njuolga oastái.

Nammaválljen ŠOOP ŠOOP

Jus čálát šláŋgadajaldaga “woop woop” sámi boallobeavddis, de lonuhuvvo bustávva W ja sadjái boahtá Š. Das boahtá sámi šláŋgadajaldat "šoop šoop". Dajaldat "woop woop" dahje "whoop whoop" lea nu gohčoduvvon "enjoyment shout" maid sáhttá geavahit go ovdamearkka dihte oaidná juoidá mii lea fiinnis. Soaitá sámi designmeassuin oaidnit, gii diehtá.

Sámediggeráđđi lea mearridan viidáset fievrredit Šoop Šoop, ja 2021:s galgá Šoop Šoop lágiduvvot Troanddimis.

Geahča vel áinnas Šoop Šoop FB-siiddu

Loga eanet Šoop Šoop birra:

Šoop Šoop - Sámi Design Days (PDF, 433 kB)

Šoop Šoopas lea sierra neahttasiidu: https://soopsoop.no/