Sámi mánát ja nuorat geat orrot biebmoruovttuin galget oažžut veahkkefálaldaga mii fuolaha máná giela ja kultuvrra. Sámi mánáin lea riekti eamiálbmotmánnán bajásšaddat iežaset álbmogiin ja giella, osku ja kultuvra galgá olamuttus vrd. Mánáidkonvenšuvnna 20 ja 30 artihkkala. 

Sámedikkis ja Norgga Biebmoruovttosearvvis lea oktasaš beroštupmi láhčit sámi mánáide ja nuoraide buori dili biebmoruovttuin. 

Sámediggi ja Norgga Biebmoruovttosearvi galgaba ovttasbargat ovdánahttit sámi mánáid biebmoruovttufálaldaga Norggas. Ulbmil lea bargat aktiivvalaččat biebmoruovttu gielalaš ja kultuvrralaš heivehemiin biebmoruovttufuolaheamis buot dásiin, ja buoridit kvalitehta ja dihtomielalašvuođa sámi mánáid vuoigatvuođaid birra eamiálbmotmánnán. 

Loga Sámedikki ja Norgga biebmoruovttuidsearvvi gaskasaš ovttasbargošiehtadusa (PDF, 100 kB)