Loga raportta prošeavttas «Okta ruoktu, guokte kultuvrra» (PDF, 7 MB) (sihke davvisámegilliii, lullisámegillii ja dárogillii)

Prošeavtta ulbmilin lea leamaš háhkat dieđuid das mii ovddida ja mii heađušta ahte sámi mánáid vuoigatvuođaid sámegiela ja kultuvrra bisuheapmái ja ovddideapmái áimmahuššojuvvojit biebmoruovttuin. 

Prošeavtta áigumuššan lea leamaš oažžut gova otnáš dilis ságastallamiid bokte guoskevaš beliiguin, namalassii sámi mánáiguin biebmoruovttuin, váhnemiiguin, biebmováhnemiiguin ja mánáidsuodjalusbargiiguin. Prošeakta lea dál loahpahuvvon ja varas raporta lea almmuhuvvon. 

Raporta buktá rávvagiid dan ektui makkár gelbbolašvuođalokten doaibmabijuid sáhttá ovddidit ja álggahit sihkkarastin dihtii vuoigatvuođaid daid mánáide geain lea sámi duogáš geat orrot biebmoruovttuin.

Geassemánus 2022:s vuolláičálle Norgga biebmoruovttuidsearvi ja Sámediggi šiehtadusa ovttasbarggu birra ovddidit sámi mánáid ja nuoraid biebmoruovttufuolahusa. Ovttasbargošiehtadus vuolggahii dán prošeavtta. 

Loga Sámedikki ja Norgga biebmoruovttuidsearvvi gaskasaš ovttasbargošiehtadusa (PDF, 100 kB)