Koaffar galgá veahkehit gaskkustit sámi kultuvrra mánáidgárddiid mánáide. Vuolggasajis lea dat jurddašuvvon norgalaš mánáidgárddiide Norggas.
Koaffariid sáhttá nuvttá luoikkahit, muhto vuostáiváldi máksá poastamávssu go máhcaha dan Sámediggái.
Mii háliidat ovttasbarggu gielddaiguin dáid koaffariid luoikkaheami oktavuođas, danne go gielddas lea lávgadet oktavuohta mánáidgárddiiguin. Ovttasbargu doaibmá dainna lágiin ahte Sámediggi sádde koaffara gildii, sutnje gii bargá mánáidgárdeáššiiguin. Dat doaimmahit dieđuid mánáidgárddiide, ja maiddái luiket mánáidgárddiide daid. Ja dasto sáddejit koaffariid ruovttoluotta Sámediggái maŋŋá go buot mánáidgárddit gielddas, mat leat háliidan luoikkahit dan, leat ožžon vejolašvuođa.
Jurddašit ahte juohke mánáidgárdi sáhttá oažžut koaffara luoikkasin ovtta vahkkui.
Válddes oktavuođa Sámi oahpponeavvouskkádagain Ovttas/Aktan/Aktesne - Sámi oahpponeavvut neahtas, jus dárbbašat eambbo dieđuid koaffara luoikkaheami birra.
Koaffariid sisdoallu (koaffariid sisdoallu ii leat jur seamma):
- Niibeboagán
- Suohpan ja čoarvegiella
- Guksi
- Sámeleavga
- Nieidadohkká gárvvuhuvvon sámi gárvvuiguin
- Bárdnedohkká gárvvuhuvvon sámi gárvvuiguin
- Gáktečiŋat (sturrodat 2-3 jahkásažžii) Gánddaš Kárášjogas
- Gáktečiŋat (sturrodat 2-3 jahkásažžii) Nieiddaš Kárášjogas
- Diehtojuohkingihpa - sámiid birra
- Diehtojuohkingihpa - Sámegávttiid birra
- CD mas leat lávlagat
- CD mas leat luođit
- PC-speallu dahje jietnegirji
- Muorra-skohter mas lea reahka
- Lávllagirji
- gáfebusse
Dohkát leat gárvvuhuvvon čiŋaiguin Guovdageainnus, Ivgus ja julevsámi guovllus, muhto leat ráhkaduvvome čiŋat maiddái eará guovlluin, nugo Álttá, Deanu, Unjárgga ja lullisámi guovllus.