Sámedikken la mihttomierren jut luondo- ja ressurssavuodo sáme guovlojn háldaduvvá dajna ájádusájn mijá boahttevasj buolvajda iellemvuodo ja máhttelisvuohta sihkarasteduvvá åvdedit sáme kultuvrav. Háldadibme galggá vájkkudit sáme kultuvra, æládusbargo ja sebrudahkaiellema nannima. Ressurssaguovlo ja luondovaljesvuohta li ájnas oase sáme kultuvra materiella kultuvrravuodo. Dat vuodov biedjá sáme æládusbargguj, årromij, kultuvrrabargguj ja sebrudahkaåvddånahttemij. Danen la areálaj, luondo ja kultuvrraárbe buorre háldadibme ájnas sáme kultuvra suodjalime ja åvddånahttema sihkarasstemij.