Duorga kultuvrrabálggán Evenássje (norm. Evenášši) suohkanin Nordlándan gávnnu galbba miehtsen ja digitála diehtojuohkem. Dán næhttabielen besa guossidit ja låhkåt duon dán tiemá birra.
Ællosáme årrujin Duorgaj 1700-jagij rájes ja maŋŋela. Sjaddin stuovesårron ja bieggijin ællosujdos, ednambargos ja guollebivdos. Duorgan gávnnuji vilá gábmásaje ma li bátsidisá márkkosáme årudagájs. Kultuvrrabálges subtsas årudagáj, læstadiána sárnnediddjij ja lågådime birra. Besa gæhttjat smáv filmmabæhkátjijt, duola dagu gadniha birra.