Diŋgojupmi - girjerádjuSámedikki girjerádju registrere diŋgojumiid, ja sádde girjeveaskku nuvttá, oktan poastta olggosgoluiguin. Páhkka sáddejuvvo njuolga girjerádjui. Buot ávdnasat leat davvi-, lulli,- ja julevsámegielaide, juoga lea maid dárogillii. Go girjerádju diŋgo girjepáhka, de doaibmá dat dego sisadieđiheapmin. Ii leat eará formálalaš sisadieđiheapmi. Viečča dihtojuohkinávdnasiid Girjerádju sáhttá diŋgot vuođđopáhka mas lea veasku: Torkel Rasmussen ja Kjersti Pleym: Milli ja Bolfi: Milli jávká/ Milli gáhtu/ Milli gaarvene. Govagirji 2-jahkkásadjii. Buohtalaga golmma sámi gillii. Elin Marakatt ja Anita Midbjer: Lilli, áddjá ja guovssahas. Govvagirji 4 jahkásaččaide. Buohtalaga guovtti gillii: dáro-, ja davvisámi/ lullisámi /julevsámi gillii. Loga munnje! - Giella álggu rájes. Lohkanbagadusgihpa. Dárogillii ja sámegillii goabbat gihpa. Girjerádju sáhttá diŋgot olles páhka dáiguin gihppagiiguin vel: Máná giella. Giellaovdáneami birra 6 mánus 3 jahkái. Gihppagat. Sámegillii. Girjecavgilan-gihppagat sámi mánáidgirjjálašvuođa birra. Sámegillii. Giellaválljen lea dehálaš. Nevvodangihpa. Guovttegielat dáru- ja sámegillii (davvisámegiel veršuvdna lea dušše gávdnamis neahtas). Lávllagirjjáš. Sámás mánáin. Golmma sámegielaide ja dárogillii buohtalaga. Diŋgojumis válljet makkár páhka, galle páhka ja makkár sámegielaide. Muitte poastačujuhusa čállit diŋgojupmái. Muđui čálát oktavuođadieđuid, e-poastačujuhusa ja telefonnummira. Diŋgojupmi sáddejuvvo deike: sambib@samediggi.no Loga maid: Bagadallan girjerádjui (PDF, 373 kB) Almmuhuvvon 17.12.2021 09.49 Maŋemusat rievdaduvvon 25.03.2024 14.16