Loga munnje! - giella álggu rájes lea lohkanáŋggirdeapmi maid Norgga beale Sámediggi álggahii 2021:s. Dat álggahuvvui prošeaktan ja ovddiduvvui ovttas Foreningen !les, Sámi lohkanguovddážiin ja suohkaniiguin miehtá riikka.
Mii bovdet dearvvašvuođastašuvnnaid ja álbmotgirjerádjosiid searvat ovttasbargui mas juohkit girjeskeaŋkkaid mánáide geat leat 0-6 jagi gaskkas.
Mii sávvat ahte sámi mánát ožžot buot buoremus giellaovdáneami. Dat ahte váhnemat, áhkut, ádját ja eará rávisolbmot lohket jitnosit mánáide, lea dehálaš vuođđun oahppamii ja láhčá dili lohkanhállui ja maŋit áiggi lohkan- ja čállinoahpahallamii.
Inspirašuvnna Loga munnje!-prošektii oaččuimet Norgga Bokstart-prošeavttas ja sullasaš prošeavttain mat leat čađahuvvon máŋgga riikkas. Loga eanet Bokstart-prošeavtta birra
Lohkat mánáide jitnosit lea skeaŋka sidjiide, ja investeren mánáid boahtteáigái.
