Luonddueanadat árbevirolaš sámi guovlluin ii leat guoskameahttun meahcci, muhto lea deaŧalaš vuođđu sámi kultuvrii ja ealáhusbargui. Luondduvalljodat bisuhuvvo buoremusat oktilaš sámi geavaheami bokte. Sámedikki mihttomearrin lea ahte buot areálasuodjaleapmi - luonddureserváhtat, álbmotmeahcit ja eanadatsuodjalanguovllut - galget sihkkarastit sámi kultuvrra ja ealáhusbarggu luondduvuđđosa.