Sámediggeráđđi ovddidii oktiibuot gávcci ášši 2024 njukčamánu dievasčoahkkimii mat kommenterejit raportta. Vuosttaš gieđahallamis árvvoštalai Sámediggi raportta bajit dási ja fáttálaččat daid piláraid mielde maid Duohtavuođa- ja soabahankommišuvdna lea identifiseren. Dasa lassin loktii sámediggeráđđi sierra áššiid olmmošlaš vahágiid ja ealáhusaid birra. 2024 čakčamánu dievasčoahkkimis meannuduvvui ášši Duohtavuođa- ja soabahankommišuvnna raportta regionála čuovvoleami birra.
Loga Duohtavuođa- ja soabahankommišuvnna raportta Stuoradikki neahttabáikkis