Duorgga kulturbálggis Evenášši gielddas Nordlánddas leat šilttat eanadagas ja digitála gaskkusteapmi. Dás sáhtát lohkat eanet iešguđetge fáttáin.
Boazosámit ásaiduvve Duorgai 1700-logus ja das rájes. Sii šadde dálolažžan, ja sis lei sihke boazodoallu ja eanandoallu birgenláhkin. Duorggas gávdnojit máŋga goahtesaji main vuhtto márkkosámiid ássan. Kulturbálgás muitalat ásaiduvvama, lestadialaš sárdnideddjiid birra ja buorideami birra. Dás oainnat filmmažiid, earet eará ulddaid birra.