Visttit ja rusttegat leat deaŧalaš máhtto- ja historjágáldut sámi báikegottiid birra. Dál dovdat mii birrasii 900 ráfáidahttojuvvon sámi vistti. Visttit maidda čatnasa sámi historjá leat birra Sámi. Dát čájehit sámi leahkima ja ássama sihke "dovddus" sámi guovlluin ja guovlluin mat maŋŋá leat dáruiduhttojuvvon ja leat massán ollu sin sámi čanastagas. Sámediggi áigu bargat dan ala ahte árvvolaš ja gáhttenárvosaš visttit ja rusttegat gozihuvvojit areálaplánaid ja doaibmabijuid oktavuođs maid gielddat plánejit.