Sámediggi almmuha vuosttaš háve doarjjamateriála-filmmaid sámegiela fágaide, mat leat čadnon fágaođasmahttimii ja ođđa oahppoplánaide.
Sámegielas vuosttašgiellan lea sihke giella- ja ovdánahttinfága. Fága galgá sihkkarastit nanu giellageavaheddjiid ja giellaguddiid sámi servodagas. Sámegielas nubbingiellan lea ges sámi giellaillu guovddážis. Fágas galget nanu giellamodeallat ovdánahttit sámegiela oahppis.
Filmmat galget leat ávkin ja motivašuvdnan sámegieloahpahusas, ja galget buktit inspirašuvnna movt geavahit daid ođđa oahppoplánaid, sihke sámegiela vuosttaš- ja nubbingiela oahpahusas.