Lávdegoddečoahkkimat ja dievasčoahkkin

Dievasčoahkkin álgá disdaga geassemánu 16. beaivvi ja loahpahuvvo geassemánu 19. beaivvi.

Geahča dievasčoahkkima áššelisttu ja prográmma

Fágalávdegottit ovddidit evttohusaid dievasčoahkkimii. Lávdegoddečoahkkimat álget maŋŋebárgga geassemánu 2. beaivvi ja loahpahuvvojit bearjadaga geassemánu 5. beaivvi. 

Geahča lávdegoddečoahkkimiid áššelisttu ja prográmma

Gulaskuddan: Sámi olbmobázahusaid hálddašeapmi

Sámediggi bivdá sámi servodagas cealkámušaid iežas bargui mas galgá hábmet njuolggadusaid dasa movt Sámediggi galgá hálddašit sámi olbmobázahusaid ja gullevaš hávdedávviriid. Áigemearri buktit cealkámušaid/oaiviliid lea guovvamánu 1. beaivvi 2027. Loga eanet gulaskuddama birra

Bivdá cealkámušaid Sámedikki válgaortnegii 

Lea stuora beroštupmi Sámedikki válgaortnegii. Dan lea Sámediggi váldán duođalaččat, ja lea nammadan sierra válgaortnetlávdegotti. Dál sihtá lávdegoddi cealkámušaid sámi servodagas, ovdal suoidnemánu 1. beaivvi 2026. Loga eanet