Lávdegoddečoahkkimat ja dievasčoahkkin

Dievasčoahkkin álgá maŋŋebárgga juovlamánu 2. b. ja loahpahuvvo bearjadaga juovlamánu 5. b. 2025.

Geahča dievasčoahkkima áššelisttu ja prográmma

Fágalávdegottit ovddidit evttohusaid dievasčoahkkimii. Lávdegoddečoahkkimat álget maŋŋebárgga skábmamánu 18. b. ja loahpahuvvojit bearjadaga skábmamánu 21. b. 

Geahča lávdegoddečoahkkimiid áššelisttu ja prográmma

Gulaskuddan: Dárbu sámi fálaldagaide, ortnegiidda ja doaibmabijuide Lullisámi válgabiires 

Sámediggi bovde sámi servodaga Lullisámi válgabiires searvat gulaskuddamii dárbbu birra sámi fálaldagaide, ortnegiidda ja doaibmabijuide maid ulbmil lea njulget daid vahágiid válgabiires maid dáruiduhttin lea dagahan. Gulaskuddanáigemearri lea skábmamánu 28. beaivvi 2025. Loga eanet gulaskuddama birra

Lágiduvvojit álbmotčoahkkimat Plaassjas (11.11), Tråantes (12.11), Nåavemesjenjaelmies (26.11) ja Måefies (27. 11), gos fáddán lea dárbu sámi fálaldagaide, ortnegiidda ja doaibmabijuide maiguin sáhtášii buoridit dáruiduhttima vahágiid.

Gulaskuddan: Háliidit cealkámušaid sámi luossabivdokultuvrra seailluheapmái

Sámediggi ja Dálkkádat- ja birasdepartemeanta bovdejit sámi servodaga searvat gulaskuddamii doaibmabijuid birra seailluhit ja joatkit sámi luossabivdokultuvrra. Gulaskuddanáigemearri lea juovlamánu 31. b. 2025. Loga eanet gulaskuddama birra ja sádde gulaskuddancealkámuša

Ođđasat

  • 19.11.2025

    «Sámi logut muitalit 17» almmuhuvvon
    Sámediggi ja Sámi allaskuvla lágidedje almmuhanseminára skábmamánu 19. beaivvi Sámi logut muitalit 17. nummara almmuheami oktavuođas, mii lea jahkásaš raporta mii čájeha sámi servodatdiliid statistihka ja dutkama vuođul.
  • 17.11.2025

    Doarjjajuolludeamit 10.11.25-16.11.25
    Doarjjajuolludeamit áigodagas 10.11.25-16.11.25, maid sámediggeráđđi lea mearridan.
  • 13.11.2025

    Bovdehus mediai Sámedikki lávdegoddečoahkkimii ja dievasčoahkkimii
    Sámediggi doallá lávdegoddečoahkkimiid skábmamánu 18.-21. b. 2025 ja dievasčoahkkima juovlamánu 2.-5. b. 2025. Mii bovdet media čuovvut čoahkkimiid Sámedikkis Kárášjogas.
  • 13.11.2025

    Doarju suodjalusoahpuid ásaheami Davvi-Norggas
    Sámediggeráđđi doarju gáibádusa ahte eanet militeara oahput fertejit biddjot Davvi-Norgii. Suodjalussuorggis šaddet stuorra investeremat davvin, ja sámediggeráđđi oaivvilda leat mearrideaddjin ahte maiddái oahppofálaldagat čuvvot, nannen dihte...
  • 13.11.2025

    Sámediggi vuoruha nuoraid lohkanmovtta
    Sámediggeráđđi juolluda doarjaga Čálliidlágádussii prošektii «Sámi beakkánat – álkkeslohkangirji», man ulbmil lea ráhkadit oahpponeavvuid mat movttiidahttet nuoraid lohkat girjjiid.
Čájet buot ođđasiid