Aaj daesnie Åarjel-Nöörjesne saemieh orreme jïh hööltestamme guhkede gietjeste. Jienebh saemien årromesijjieh leah åehpies eevre bååstede ruevtieaaltarasse.
Lærdalesne jïjnje dehtie saemien histovrijistie lea 1800-låhkoste. Daate lij gïerve tïjje båatsoesaemide Rossendajvesne. Jeenjesh geerestamme sjïdtin sijjen båeries gåatomelaantijste. Gelline tjïeltine luhpehts sjïdti bovtsh gåatoemisnie utnedh.
Jis edtjin bïerkenidh gellie saemieh jeatjah barkoem ohtsedin, vuesiehtimmien gaavhtan gruvaj sisnie jïh tseegkeldahkine. Naakenh aaj ryöjnesjæjjine båatsoesiebrine barkin daennie dajvesne.
module.cookie.notice.video.requirement