Raanen lea guhkies jïh gellielaaketje saemien histovrije, jïh lea bielie åarjelsaemien dajveste. Aaj bidumsaemieh jïh upmejesaemieh ektiedimmiem Raanese utnieh histovrijen tjïrrh. Saemieh lea dajvesne vyöseme gellie tjuetie jaepieh, vijreminie, bivtieminie, gööleminie jïh mænngan båatsojne goh vihkeles jielemh. Daesnie båeries gööthsijjieh, aernieh, gaelmieh, sjïeledimmiesijjieh jïh vijremesvaalkh mah mijjese daajroem vedtieh åvtetje aejkien jieledevuekien bïjre. Daesnie maahtah vielie lïeredh dej ovmessie bieliej bïjre saemien histovrijistie.