Lohkh munnjien! – gïele voestesiereste lea lohkemekampaanje maam Saemiedigkie Nöörjesne jaepien 2021 eelki. Prosjeektine aalkasovvi jïh evtiedamme laavenjostosne Foreningen !Les, saemien lohkemejarnge jïh laanten tjïelth gaskem.
Mijjieh healsoestasjovnh jïh åålmeh-gærjagåetieh laavenjostose böörebe jïh dah maehtieh gærjavadtesh maanide mah 0-6 jaepien båeries vedtedh.
Mijjieh sijhtebe maanah gelkieh sov gïelem bööremeslaakan evtiedidh. Gåessie eejtegh, aajjah aahkah, jeatjah geerve almetjh reegkesgïeline maanese luhkieh dle hijven våaromem sjugniehtuvvieh lïerehtæmman, lohkemasse jïh mænngan lohkeme- jïh tjaelemeööhpehtæmman.
Skraejriem Lohkh munnjien!-kampaanjese mijjide båateme daaroen Bokstart-prosjeekteste jïh seammaleejns prosjeektijste mah leah gelline laantine tjïrrehtamme. Lohkh vielie Bokstart-prosjeekten bïjre
Reegkesgïeline lohkedh lea vadtese maanasadth, jïh maanan båetijen biejjide dåarjelidh.
