Ođđasat

Joar Nango lea jagi 2020 feastaspealločájeheaddji Bergen Kunsthallas. Festaspeallu lea okta Norgga deaŧaleamos dálááiggi dáiddačájáhusain, ja adnojuvvo leat okta dain árvvoleamos bargogohččumiin maid norgalaš dáiddár sáhttá oažžut iežas riikkas.

Spildra North AS lea ožžon 250 000 ruvdnosaš doarjaga Sámedikkis fanasinvesteremii. Fitnodat bidjá stuorra deattu báikkálaš historjái ja kultuvrii lassin luondduvásáhusaide.

Akuhtta- ja dearvvašvuođafálaldat stuorra osiide Finnmárkku álbmogis eai leat olámuttus stuorra osiin jagis. Dáid beivviid, go vásihit dan stuorra dearvvašvuođaáitaga mii čoronapandemiija lea, de orru measta dego ovddasvástádusas beasadeamen, čállá sámediggeráđđi Hans Ole Eira (Gb) kronihkastis.

Sámediggi čalmmustahttá daid smávvafitnodagaid ja ovttaolbmofitnodagaid main lea nuppástuhttindárbu ja ovddidanvejolašvuohta. Dat fitnodagat ja suorggit vuoruhuvvojit mat gillájit eanemusat, das maiddái sámi mátkeealáhusat ja erenoamážit vásáhusealáhusat, sámi kulturealáhusat, smávvaskála biebmobuvttadeaddjit ja eará sullasaš fitnodagat. Mii ávžžuhit dattetge maiddái eará surggiid fitnodagaid maidda pandemiija lea čuohcan, ohcat doarjaga.

«Gáktepolitiija lea boađi oanehisfilbma maid Rein Film AS áigu ráhkadit.

Sámediggi ii lágit lávdegoddečoahkkimiid miessemánus.

Sámediggeráđđi lea dál mearridan doaibmabijuid main fokusis lea ealáhus- ja kultureallima doarjun doaibmabijuiguin, prošeavttaiguin ja nuppástuhttimiin mat sáhttet váidudit vahágiid koronaroasu maŋŋá. – Sámediggi vuordá ahte guovddáš eiseválddit váikkuhit likviditehtadoarjaga ja heahtebáhkaid bokte mat maiddái olahit sámi ealáhusaid ja sámi kultureallima, dadjá sámediggepresideanta Aili Keskitalo (NSR). 

Sámediggeráđđi juolluda doarjaga golmma hui sierralágan ealáhusulbmilii oktiibuot 352 500 ru. Doarjagat galget movttiidahttit ahtanuššama, rekrutterema ja árvoháhkama báikkálaš sámi ealáhusain.

Sámediggeráđđi lea juolludan 500 000 ru Sámi Duodji ja Sámi Made gálvomearkkaid bargui. Sámi Duodji gálvomerkii gullá sápmelaččaid dahkan árbevirolaš duodji, ja ođđa gálvomearka Sámi Made fas gullá buktagiidda maid sápmelaččat buvttadit, ovdamearkka dihte design.