1 Ulmie

Soejkesjebïhkedassen ulmie lea sjïehteladtedh juktie saemien kultuvren, jielemen jïh siebriedahkejieleden eatnemevåaromem gorredidh jïh vaarjelidh, staateles, regijonaale jïh tjïelten

soejkesjimmine jïh aktegsnænnoestimmiej tjïrrh soejkesje- jïh bigkemelaaken, jallh jeatjah laaki mietie, v. soejkesje- jïh bigkemelaakine § 31-1 voestes lïhtse, bokstaave c).

Ulmie mij jeahta soejkesjebïhkedasse edtja

«vaarjelimmiem jïh guhkiebasse evtiedimmiem saemien kultuvreste gorredidh (…)» tjïerteste saemien kultuvre ij leah staatiske, men daajroe åtnoen bïjre eatnemevåaroemistie jïh praksisese leah dynamihkeles jïh evtiedimmesne, baajnehtamme eatnamistie jïh byjreskijstie.

Baakoetjïerte guhkiebasse evtiedimmie edtja kulturelle kontinuiteetem hoksedh, jïh ij edtjh dam toelhkestidh goh akte nuepie saemiej materijelle kultuvrevåaromem nåhkehtidh jïh giehpiedidh.