Saemiedigkien soejkesjebïhkedasse

  1. 1 Ulmie
  2. 2 Vierhkiedajve
  3. 3 Krïevenasse soejkesjeprosessese jïh sjæjsjalimmievåaroemasse
  4. 4 Vihkeles krööhkestidh jielemebarkose
  5. 5 Vihkeles krööhkestidh kultuvrese jïh siebriedahkejieliedasse
  6. 6 Lahtestimmieh fïerhten tseahkan soejkesjebïhkedassesne
Tjaatsegen åvtesæjrose Veedtjh pdf-fijlem
Evtebe kapihtele Mubpie kapihtele

5 Vihkeles krööhkestidh kultuvrese jïh siebriedahkejieliedasse

Soejkesjimmie jïh aktegsnænnoestimmie:

a. Edtjieh nænnoes åtnoem illedahkine utnedh jïh eatnemem vaarjelidh goh våarome saemien kultuvrese, jielemebarkose jïh seabradahkejieliedasse.

b. Byöroeh sjïehteladtedh guktie gåarede sosiokulturelle tsiehkieh tjåadtjoehtidh, goh åtnoe gïeleste, sosijaale praksise, sertiestimmie aerpievuekien daajroste jïh boelvi ektiedimmie eatnamasse, årromesijjide jïh voenges seabradahkese, guktie dïhte viehkehte åtnoem eatnemevåaroemistie jåerhkedh.

c. Byöroeh maanaj lïhkes byjresinie areaalh jïh sijjieh gorredidh mah nuepiem vedtieh jeatjah maanajgujmie årrodh juktie sijjen saemien kultuvrem jïh identiteetem tjåadtjoehtidh jïh evtiedidh. Byöroeh joekoen råajvarimmieh gorredidh mah gaskesem jåerhkieh jïh daajroem boelvi gaskem sertiestieh.

d. Byöroeh illedahkine utnedh hæhtjoebigkeme jïh hæhtjoedajvh åejvienjoelkedassine reguleeremesoejkesjen mietie dorjesuvvieh, gusnie aaj sjyöhtehke infrastruktuvreråajvarimmieh dagkerh hæhtjoedajvide, leah meatan soejkesjisnie. Byöroe hæhtjojde dan tjåenghkies bigkedh goh gåarede juktie eatnemevåaromem spååredh. Stuerebe bigkemeprosjekth byöroeh stuvresovvedh tjïeltesoejkesjen areaalebielen tjïrrh.

e. Edtjieh kultuvremojhtesh jïh kultuvrebyjresh vaarjelidh, daan nuelesne sijjieh mah leah histovrijes heannadimmiej, jaahkoej jallh aerpievuekiej bïjre, guktie dej histovrijes aarvoeh jïh åtnoeaarvoeh bieline sjidtieh ektietïjjeste jïh båetijen boelvide.

Evtebe kapihtele Mubpie kapihtele