4 Vihkeles krööhkestidh jielemebarkose

Soejkesjimmie jïh aktegsnænnoestimmie:

a. Edtjieh båatsoesïjti, båatsoesïjti lïhtsegi, sïjti, sïjtebieliej jïh båatsoeburriej areaale- jïh vierhtievåaromem gorredidh, viehkine voenges jïh regijonaale baajnehtimmieh krööhkestidh, daan nuelesne tjijteme-effekte.

b. Eah edtjh båatsoen juhtemegeajnoeh steegkedh.

c. Edtjieh daerpiesvoeten mietie aerpievuekien göölemesijjieh jïh gårroesijjieh gorredidh mah joekoen vihkele göölemasse saemien mearoegaedtie- jïh fjovledajvine, daan nuelesne gorredidh bïepmehtimmiesijjieh doerskese eah sïejhme doersken gårroedajvine tseegkesovvh. Ij akt baajnehtimmie edtjh voenges göölemem feajloedidh jallh eerjedh maam ij gåaredh dåvvodh, mij joekoen vihkele årroejidie aktene vihties dajvesne.

d. Edtjieh areaalh aerpievuekien åtnose miehtjiesdajvesne gorredidh goh vijreme, bivteme, gööleme, moeretjoehpeme, tjöönghkeme, möörjeme jïh ïebnh vytnesjæmman vaeltedh.

e. Edtjieh fealadimmiem gorredidh jïh fealadimmiegeajnoeh tjåadtjoehtidh mejtie nuhtjeme aerpievuekien miehtjiesdajveåtnosne.

f. Edtjieh daerpiesvoeten mietie ïentjh jïh dajvh mah maehtieh ïentjine åtnasovvedh, laanteburrieproduksjovnese jïh gåatomedajvine gåetiekreekide gorredidh dan gellide kreekide mejtie gaertene maahta daelvege bïepmehtidh.

Tjuara effektide soejkesjimmeste jïh aktegsnænnoestimmeste aktegsalmetjidie jïh almetjedåehkide vuarjasjidh mah ellieslaakan, såemiesmearan jallh ovmessie kombinasjovni tjïrrh miehtjiesdajveåtnoste jïh jielemegeajnojste, sijjen jieliemassem utnieh nuhtemistie eatnemevåaroemistie