Gïelevåhkoe – Giellavahkku – Giellavahkko

Våhkoen 43, golken 20.-26. b. lea Gïelevåhkoe, våhkoe gosse saemien gïelh edtjieh govledh jïh vååjnedh seabradahkesne. Daate 7. jaepie mijjieh saemien gïelide vååjnedehtebe, jïh haestebe gaajhkesidie meatan årrodh. Gïehtjh maaje Gïelevåhkoen nedtesæjroem gusnie vielie bïevnesh, www.giellavahkku.org. Desnie aaj vuajna mij öörnesåvva bïjre jarkan Gïelevåhkoen.

Govlehtimmie: Daarpoe saemien nuepide, öörnegidie jïh råajvarimmide Åarjel-Saepmie veeljemegievlesne

Saemiedigkie saemien seabradahkem Åarjel-Saepmie veeljemegievlesne böörie meatan govlehtimmesne årrodh. Govlehtimmie lea daarpoen bïjre saemien nuepide, sjïehtedimmide jïh råajvarimmide mej leah ulmieh daaroedehtemen skaarah veeljemegievlesne davvodh. Govlehtimmien aejkiemierie lea rahkan 28. biejjien 2025.

Lohkh vielie