Don leat dáppe:

Ođđasat

Joavkočoahkkimat, lávdegoddečoahkkimat ja dievasčoahkkin geassemánu 8.- 11. b.

Koronadávdda geažil čađahuvvojit Sámedikki lávdegodde- ja dievasčoahkkimat Teams bokte 8. – 11.06.2020.

– Sámi ealáhuseallima dárbbašlaččat lokten

Reviderejuvvon stáhtabušeahta bokte addojuvvo sámi fitnodagaide deaŧalaš veahkki. Sámediggepresideanta Aili Keskitalo (NSR) dadjá buorre go ráđđehus doarju muhtun ráje Sámedikki fuolastuvvamiid.

Pilohtamánáidgárddit mánáidgárdeprošeavttas leat dál válljejuvvon

Sámediggeráđđi lea válljen njeallje pilohtamánaidgárddi mat SáMOS-prošeavtta bokte galget leat mielde hábmeme sámi mánáidgárddi boahtteáiggi. 

Sámediggeráđđi áŋgiruššá ain rájárastá giellabargguin

Sámediggeráđđi lea juolludan 255 000 ru doarjaga prošektii Deanuleagis sámástit. 

Sámediggi addá doarjaga doaibmavistái Deanus

Sámediggi juolluda 450 000 ru doarjjan Návet Doallu DA doaibmavistti stuorideapmái Deanus.

Sámediggi addá doarjaga sáltečáhcerusttegii Unjárggas

Sámediggi lea addán 400 000 ruvnno doarjjan ođđa sáltečáhcerusttegii Kløvnes hámmanis Unjárggas.

Raporta sámi immateriála kulturárbbi birra

Oassin barggus UNESCO 2003 immateriála kulturárbbi suodjaleami konvenšuvnna čuovvuleames, lágideigga Sámediggi ja Kulturráđđi bargobáji sámi immateriála kulturárbbi birra skábmamánu 13. – 15. b. 2019. Dasa serve Suoma, Ruoŧa ja Norgga beale ovddasteaddjit. Raporta, maid UNESCO-konsuleanttat Harriet Deacon ja Rieks Smeets leaba čállán, lea dál gárvvis. Soai leigga jođiheigga bargobáji skábmamánus 2019.

Koronadoaibmabijut duodjái

Sámediggi ádde bures váikkuhusaid maid duodjefitnodagat vásihit koronavirusa geažil.  

Inger Marit Eira-Åhrén virgáduvvo Sámedikki direktevran

Virgáibidjanlávdegoddi lea mearridan gii galgá jođihit nationála álbmotválljen parlameantta hálddahusa Norggas. Sámediggepresideanta Aili Keskitalo (NSR) vuordá mielas buori ovttasbarggu. 

Sámedikki vuostecealkámuš mátkeealáhusrusttegii ja bartagávpogii Arctic Centerii Rávdnjemuotkkis Romssas

Romssa suohkanstivra galgá gaskavahku 29.04.2020 mearridit riidduvuloš plánaid mátkeealáhusrusttegii ja bartagávpogii Arctic Centerii Rávdnjemuotkkis Romssas. Sámediggi lea vuosttaldan plánaid boazodoalu vuhtiiváldima dihte ja ráfáiduhtton boazosámi geasseorohaga dihte mas lea našunála suodjalanárvu. Dás sáhtát lohkat olles vuostecealkámuša, ja maiddái Sámedikki kulturmuitoguorahallama.