Ođđasat

Dearvvašvuođadirektoráhtta, Álbmotdearvvašvuođainstituhtta ja Sámediggi leat jorgalahttime dehálaš dieđuid álbmogii korona birra sámegielaide.

Sámediggi ipmirda bures ahte koronavirus čuohcá sámi ealáhusaide ja ásahusaide, ja muđui kultureallimii masa koronavirus váikkuha, ja dohkkeha danne ahte prošeavttat maŋiduvvojit.

Sámediggi geahččala dál máŋga doaibmabiju bokte eastadit koronanjoammuma (covid-19) bargiid gaskkas ja oassálastá nationála veahkkálasbarggus eastadan dihte njoammuma ja unnidan dihte deattu dearvvašvuođabálvalusaide.

Sámediggeráđđi lea juolludan 150 000 ruvnno AIDA 2-prošektii, mii lea Sámi allaskuvlla, Suoma Sámi arkiivva ja Ruoŧa Ájtte musea searveprošeakta.

Sámediggeráđđi lea juolludan 300.000 ru mánáidgárdái man namma lea Holmen gårds- og naturbarnehage Álttás.

Nordnorsk Kunstmuseum Romssas čađaha dál hirbmat viiddis huksema iežaset lokálaid nuppástuhttimiin.  Sámediggi addá dan oktavuođas kr 200 000 doarjjan musea gávppi ollásit nuppástuhttimii.

Sámediggeráđđi addá doarjaga guovtti fitnodahkii giellakurssaid čađaheapmái rávis olbmuide, ja juolluda speallo-applikašuvnnaid ovddideapmái mánáid várás. – Deaŧalaš lea ahte Sámediggi doarju sámi giellafálaldaga buot ahkejoavkkuide iešguđege vugiiguin, dadjá sámediggeráđđi Mikkel Eskil Mikkelsen (NSR)

Sámediggi addá 300.000 ru doarjjan Meron AS fitnodahkii Deanu gielddas. Ruđat galget geavahuvvot fatnasa oastimii nuorra guolásteaddjái.