Sámediggi bargá riikkaidgaskasaš orgánain ovddidit ja čuovvolit álbmotrievttálaš konvenšuvnnaid, julggaštusaid ja eará reaidduid mat nannejit máilmmi álgoálbmogiid vuoigatvuođaid. Álgoálbmogin ovtta máilmmi riggámus riikkain, de lea mis solidáralaš geatnegasvuohta várohit ahte dilli eará álgoálbmogiidda buorrána. Seammás lea riikkaidgaskasaš riekti vealtameahttun ovddideapmái ja vuhtiiváldimii min vuoigatvuođain ja beroštumiin ruovttuguovlluin.